makeup forever

2:10 م Unknown 0 تعليقات

كثير احب القليترز وجربت اكثر من براند بس اكثر ماركه القيلتر تبعها ثابت ومايتحرك هي ميك اب فورايفر هالنوع احطه على جفني بدون اي مثبت قلترز اكثر درجتين حبيتها هذي اسمائها اللي جذبني فيها هو قوامها قوامها جدا ناعم بين الشيمر والقليتر ينفع لمدمع العين وكمان للجفن المتحرك بس للاسف كل مارحت الاقي درجة القولد مخلصه طبعا وبس .. تقييمي لها: 10/9 . اماكن الشراء : وجوه , سيفورا . السعر : 110 ريال

باليت الحواجب من مورفي "morphe"

1:53 م Unknown 0 تعليقات

مساء الخير جميلاتي .. اعتذر على الغياب لكن اكيد مانسيت عالم التدوين ِ اليوم بسولف لكم عن منتج مررا بطل اعتمده لنفسي وللكل ومن ماركه جدا معروفه وفي متناول الجميع . . هو باليت الحواجب من ماركه morphe هذا شكله

فيه اكثر من درجة وقوامه باودر اللي جذبني فيييه اكثر شي ان درجاتة متنوعه وكمان فيه كونسيلر لتنظيف الحواجب واهم شي يحتوي على واكس وظيفة الواكس للي مايعرفونها ,," هي تثبيت اللون على الحاجب وتثبيت الكونسيلر بحيث لو حطيته قبل الباودر يثبته لـ اطول فتره وكمان لو عندك شعر زايد في الحواجب يخفيه لك " تعليبه وحجمه منااسب كميته كبيره وسعره معقول عموما اسعار هالماركه مررا حلوه مقارنة بجودتها وفي متناول الكل الباليت يناسب الحواجب الكثيفه اكثر الخفيفه افضل لها التاتو طبعا

تقييمي له : 10/10 اماكن الشراء : سيفورا اون لاين مزايا العطور سعره : 100 ريال وشي

Makeup modeyl

4:26 م Unknown 0 تعليقات

السلام عليكم ورحمة الله بعد مانزلت تتوريال الميك اب على السناب كثيرا طلبو مني اتكلم عن الادوات اللي استخدمتها اثناء الشغل ١/ برايمر فورايفر الاصفر يعطي نظاره للبشره بشرة المودل ماكان فيها مسامات كثير بس كانت بشرتها شاحبه جدا وجافه لذلك استخدمت نوعين من البرايمر هذا البرايمر يعطي نظاره من ميك اب فورايفر بطل ي بنات 👍🏻💗 . البرايمر الثاني وظيفته الترطيب لان بشرتها كانت جدا جافه وفيها قشور . . الفاونديشن كان دمج بين هالاثنين فاونديشن استي لودر تغطيته فل كفر وثباته يدوم دمجت معه ميبلين عشان يخفف قوامه شوي ويعطي البشره شكل ديوي . . هالاتها ماكانت قويه مرره ف استخدمت لها كونسيلر نارس متوفر في سيفورا قوامه جميل ولايكتل ويدخل في خطوط العين وفيه نسبة ترطيب . . باليت الحواجب مورفي مع مسكرة ريميل الشفافه و الملونه عشان افتح حواجبها . البلشرز باليت مورفي الوانه تعجبني وقوامها جدا ناعم . الايشدو مورفي 35w الوانه متنوعه بين الشيمر والمات استخدمت لون برتقالي صريح كـ لون انتقالي ودمجت معه بني على زاويه العين الخارجيه . . بنص الجفن الثابت استخدمت لون شيمر على قولد عشان يعطي ايحاء ب ان العين واسعه كحل بيج من ريميل داخل العين اكيد كلكم تعرفون>~حبيب الكل . ابتعدت تماما عن الايلاينر لانه صار مستهلك كثير وتقريبا انتهى زمانه 😂💔 حطيت نتفه اسود ع طرف الرموش وموهته بفرشه ثم ركبت الرموش الروج كان عنابي طبعا شفايف المودل ممتلئه وجميله فا ما غيرت فيها شي ولا زميتها . . وبس دمتم بِحُب ..🌸💗