مشكله تشققات الفاونديشن .. اسبابها وعلاجها

5:56 ص Unknown 0 تعليقات

السلام عليكم ..

مساء الخير .. موضوع اليوم يتكلم عن تشققات الفاونديشن
 هالمشكله يعانون منها اكثر شي البشرات الجافه وانا كنت اولهم  .. اول شي لازم نعرف ليه تطلع قشور وتتشققات

واهم الاسباب هي :
جوده الفاونديشن تكون رديئه او يكون ثقيل تغطيته فل كفر او يكون خاص بالبشره الدهنيه مايكون فيه ترطيب
ماتهتمين ف بشرتك  يعني تحطين الفاونديشن بدون ماتهيئين بشرتك وتقشيرها وترطيبها قبله

 ايضا ماتستخدمين البرايمر قبل الفاونديشن

نجي لحلول المشكله واهمها :
اختيار الفاونديشن المناسب: اذا بشرتك جافه وتطلع قشور حاولي تختاري فاونديشن يحتوي على مرطب ويكون خاص للبشره الجافه

اتبعي روتين ماقبل الفاونديشن ب ساعتين او اربع ساعات يكون الروتين عباره عن : تقشير تستخدمي مقشرر طبيعي زي السكر او زيت الزيتون او مقشر عادي واحلى مقشر عندي هو ديب كلين من نتروجينا مررا حبيباته صغيره وتقشر زين بحيث انها ماتذوب  بعد التقشيررر الترطيب جدا مهم اي مرطب يناسبك انا استخدم اورنج دايلي واخلط معه شوي من نيفيا سوفت اخليه لين تمتصه بشرتي .


اهم خطوه بعد الترطيب هي

 البرايمر وفيه انواع للبرايمر استخدمي برايمر للبشره الجافه.
ولازم يحتوي على ماده السيلكون عشان يسهل لك مد الفاونديشن على بشرتك .


 اهم خطوه والاخيره : كيف توزعين الفاونديشن ؟؟ابتعدي عن الفرش لانها بتطلع لك قشور استخدمي اسفنجه مثل ريل تكنيك او بيوتي بلندر انا استخدم ريل تكنيك    صورتها :

 لمن توزعين الفاونديشن انتبهي للاتجاه الدمج يكون على برا زي الصوره  


طبعا تكون الفرشه مبلله

 هذي طريقتي ف توزيع الفاونديشن والحمدلله ارتحت من القشور والتشققات

اتمنى انه فادكم الموضوع  .. ودعواتكم