مساء الخير  بتكلم عن تجربتي مع سنفره فرانك اللي اخذت شعبيه كبيره خاصه عند الاجانب  وكالعاده احنا نقلدهم ههههههه



اول شي بحط لكم الكلام اللي مرفق مع السنفره وهو كالتالي :


 سنفرة فرانك تحتوي على العديد من الفيتامينات و المعادن
وتساعد على التخلص من العديد من مشاكل البشره ، فـ هي تستهدف جفاف الجلد و علامات التمدد ،
و السيلوليت ، و الاكزيما ، و الصدفيه ، و عروق الدوالي ، و حب الشباب و الندبات .
تناسب جميع البشرات و الحوامل و الاطفال من عمر السنتين تستخدم للوجه و الجسم

كل السنفرات لهم نفس الوظائف وكل انواع البشرات ممكن تستخدم كل الانواع
لكن مع اختلاف بسيط في الزيوت الطبيعيه و المكونات الإظافيه و اختلاف الفوائد الإضافيه . .

 " طريقة الاستخدام "
على جسم مبلل تحطين السنفره على كل جسمك لازم يكون جسمك مبلل
توزعينها على كامل الجسم افركي السنفره بحركه دائريه و ركزي على مناطق المشكله
تخلينها من 10إلى 15دقيقه عشان تستفيد البشره من الزيوت تستخدم 2 - 4 مرات فالاسبوع تحارب  السيلولات والاكزيما والسترش مارك

تجربتي معاها ورأيي الشخصي :

 فعلا تعطي نعومه وتفتيح انا ماعندي سيلولات مادري اذا تحل المشكله او لا  بس جد صارت بشرتي زي البيبي

 طبعا طلبتها من تاجره  سعرها 135
استخدمها مرتين بالاسبوع ماحبيتها للوجه كثير للجسم مرره مناسبه وضروري بعدها ترطيب واذا تبين نتائج افضل استمري عليها 3 اشهر او اكثر
 في منها اربع انواع  النوع الرابع من فتره نزل
" قهوه طبيعيه ، قهوه بالككاو ، قهوه بجوز الهند ، قهوه بالنعناع اختاري اللي يناسبك

ملاحظه :
شفت فيديوهات باليوتيوب عن طريقه عمل السنفره سويها ف البيت افضل
.. كمان اللي بشرتها حساسه تجرب على يدها اذا ماشافت مضاعفات تستخدمها  وبس .. 

السلام عليكم ..
مسيتو بالخير

تقريبا من 4 شهور لاحظت ان شعري بدا يتساقط اول شهر ماعطيته وجه بس حسيت ان تساقط يزيد اكثر وقررت ادور الحل



حاولت اعوض الفيتامينات عن طريق تغذيتي وكل يوم صرت اكل فواكه واكثر من اكل السمك واللحوم والخضار الورقيه بس ماشفت نتيجه مرضيه يعني يبيلها وقت  وجربت كمان استخدم الزيوت ومافادتني ابد ب التساقط  بس حسيت انها رطبت شعري وطولته شوي  .. واخر شي قررت اقص منه شوي وقصيته  < تهورت ..     ولافاد معه 😒💔   هنا خلاص قررت اروح المستشفى وسويت تحليل للغده وهيك  طلعت عندي سليمه ونسبه الحديد كويسه طلع كل شي تمام وعطاني الدكتور فيتامين مكمل غذائي  < اه لعب ف نومي سبب لي ارق وماكتشفت هالشي الا بعد اسبوع كامل منجد تعبت  ع طول تركته والحمدلله رجعت انام  هههههه  


صرت ادور ف قوقل وتجارب البنات وشفتهم يمدحون حبوب برايورين وكمان تمدحه الفنانه الهام الفضاله  ^لمن مدحته جلست اتذكر شعرها كيف هههههه  .. هذي صورته
 

السلام عليكم ..


طبعا زيت النارجيل هو نفسه زيت جوز الهند اذا جيتي تشترينه لازم تتأكدين انه يكون الزيت الاصلي اذا شكله متجمد ف العبوه يعني اصلي  ..لمن تسخنينه بيتحول شكله لزيت  ..

ضروري تستخدمين مع حمام الزيت غطا الشعر البلاستيك زي اللي ف الصوره عشان شعرك يمتص الزيت اكثر ويستفيد منه




 اسخنه شوي واحطه ع شعري ثم امشطه واسوي مساج لفروه الرأس  والفه زين واحط الغطا البلاستيك اخليه تقريبا ساعتين ثم اغسله انتبهي تخلين الزيت اكثر من ساعتين راح يكتم الشعر ومايوصله اكسجين وبكذا يعطيك نتيجه عكسيه  ..


رأيي فيه : لاحظت انه رطب شعري كثيرر وخفف النفشه  وعطاه لمعه مع الاستمرار  كنت انتظر انه يوقف التساقط بس ابدا ماوقفه  فأظطريت اني استخدم حبوب للتساقط وللحين ماشيه ف الكورس وبوافيكم بالنتائج اذا فادتني بعطيكم اسمها


 دعواتكم ..

السلام عليكم ..

مساء الخير .. موضوع اليوم يتكلم عن تشققات الفاونديشن
 هالمشكله يعانون منها اكثر شي البشرات الجافه وانا كنت اولهم  .. اول شي لازم نعرف ليه تطلع قشور وتتشققات

واهم الاسباب هي :
جوده الفاونديشن تكون رديئه او يكون ثقيل تغطيته فل كفر او يكون خاص بالبشره الدهنيه مايكون فيه ترطيب
ماتهتمين ف بشرتك  يعني تحطين الفاونديشن بدون ماتهيئين بشرتك وتقشيرها وترطيبها قبله

 ايضا ماتستخدمين البرايمر قبل الفاونديشن

نجي لحلول المشكله واهمها :
اختيار الفاونديشن المناسب: اذا بشرتك جافه وتطلع قشور حاولي تختاري فاونديشن يحتوي على مرطب ويكون خاص للبشره الجافه

اتبعي روتين ماقبل الفاونديشن ب ساعتين او اربع ساعات يكون الروتين عباره عن : تقشير تستخدمي مقشرر طبيعي زي السكر او زيت الزيتون او مقشر عادي واحلى مقشر عندي هو ديب كلين من نتروجينا مررا حبيباته صغيره وتقشر زين بحيث انها ماتذوب  بعد التقشيررر الترطيب جدا مهم اي مرطب يناسبك انا استخدم اورنج دايلي واخلط معه شوي من نيفيا سوفت اخليه لين تمتصه بشرتي .


اهم خطوه بعد الترطيب هي

 البرايمر وفيه انواع للبرايمر استخدمي برايمر للبشره الجافه.
ولازم يحتوي على ماده السيلكون عشان يسهل لك مد الفاونديشن على بشرتك .


 اهم خطوه والاخيره : كيف توزعين الفاونديشن ؟؟ابتعدي عن الفرش لانها بتطلع لك قشور استخدمي اسفنجه مثل ريل تكنيك او بيوتي بلندر انا استخدم ريل تكنيك    صورتها :

 لمن توزعين الفاونديشن انتبهي للاتجاه الدمج يكون على برا زي الصوره  


طبعا تكون الفرشه مبلله

 هذي طريقتي ف توزيع الفاونديشن والحمدلله ارتحت من القشور والتشققات

اتمنى انه فادكم الموضوع  .. ودعواتكم